خمسة وعشرين يناير
يوم خمسة وعشرين يناير عام ألفين وحداشر سير
إرفع صوتك إطلب حقك من جوا ميدان التحرير
قالوا مظاهرة وقلبت ثورة وكلنا طالب بالتغيير
يسقط يسقط كل نظامهم حقى وحقك فى التعبير
كبسواعلينا وقت صلاتنا ورشوا الميه على التكبير
ويا قنابل غاز تعمينا علشان يرضوا كلب حقير
قمنا عليهم قومة راجل والسلمية بقت تدمير
جن جنون العادلى وسيده قاله تخلص ولا تطير
سيب كل كلابه علينا دهس ورش كما المسامير
والقناصة فى أمن الدولة صادوا ولادنا صيد الطير
دمنا سايل جرح وغاير والشهداء حوالينا كتير
زهر شبابنا ورد جناين فتح فى ميدان التحرير
عادل شاكر
الآن بمباشرة الكيبورد
| 
موضوع: شعر25ثورة يناير 
الأربعاء يونيو 12, 2013 1:58 pm
